A piazza San Niculà - La place Saint Nicolas


Antone Francescu Filippini

Sottu à le palme di San Niculà,
Quand'ella affacca a notte viuletta,
Ci si spasseghja più d'una civetta,
Più d'un mascu ci vene à dunnighjà.

Eo ci ghjunsi in brama di ciarla :
Ci lasciai u me core fetta à fetta.
A più maiò ghjè tocca à Marietta,
A più bella figliola d'u Mercà.

Or una vechja l'hè sempre à braccetta
Ch'ùn l'abandona mancu per spirà.
Ma ella furba cume una vulpetta,

Ghjunta à l'ombra, si volta eppo' mi dà
Un'ochjata chì pare una saetta
Sottu à le palme di San Niculà.